D Schueubezirksgmeinschaft Gysistei isch im Jahr 1959, anlässlech vor Ihweihig vom nöie Schueuhuus, gründet worde. Schliesslech hett me müesse luege, dass dr Reingwinn vo däm grosse Fescht – u das isch de nid weni gsy - i sichere Häng landet.

So isch es cho, dass dr Verein über Jahre hinwäg das Konto ghüetet hett. Är hett sech usserdäm mit Themene befasst, wo d Lüt im Dorf beschäftiget hei, äbe ou, wenns um d Schueu gange isch.

 

Mittlerwile hei mir mit der Biudigsinschtitution nümme viu z tüe, drum hei mir üs entschlosse, dr Name z ändere. Sit em Früehlig 2018 heisse mir „Dorfgmeinschaft Gysistei“.

Jedes Jahr hei mir e Houptversammlig u gstaute es Programm wo üsne Dörfler d Glägeheit git, zäme d Gselligkeit z gniesse, e chly z lavere u sech punkto Tratsch u Klatsch uf e nöischt Stand z bringe.

Dank üsere Website chöi sech vor auem o Nöizuezüger/inne innert chürzeschter Frischt via Internet informiere, was so louft  i däm Gysistei.

Was du aus Gysisteiner villicht no nid weisch: o DU bisch Mitglied vo üsem Dorfverein, das isch me nämlech outomatisch we me hie wohnt!

Üse Vorstand besteit zur Zyt us 7 Mitglieder. Är hett näbe dr Organisation vo diverse  Aläss o d Ufgab, die ganz junge u die ganz aute Mönsche (die wo 80gi, 85gi, 90gi...wärde) z bsueche u ne uf däm Wäg e Fröid z mache.

 

We dir Frage heit oder ä tolli Idee für Gysistei oder üsi Plattform möchtet nutze, dörft dir euch gärn mit eim vo üsne Vorstandsmitglieder i Verbindig setze:

 

 

Vorstand:

 

Gäumann Sibylle, Bachsgraben 128                                                          Leiterin ad interim

3503 Gysenstein                                                                                          info@friedhairich.ch

 

Widmer-Hutmacher Susann, Niedergysenstein                                       Kassierin

3503 Gysenstein                                                                                          hutmacherwidmer@bluewin.ch

   

Schafroth Sonja, Hürnberg 454                                                                  Catering

3503 Gysenstein                                                                                          buedu.schafroth@bluewin.ch

​

Roger Pfister, Buchli 213                                                                            Beisitzer

3503 Gysenstein                                                                                         roger_pfister@sunrise.ch

​

Heidi Röthlisberger, Trockenmatt 394                                                      Beisitzerin

3503 Gysenstein                                                                                         heidibalu1@gmail.com​

​

Simone Allemann,                                                                                     Beisitzerin

3503 Gysenstein                                                                                         

​

Benz Keller, Herolfingen                                                                            Beisitzer

3503 Gysenstein                                                                                         

​

 U äbe – mir lade euch y – sogar z Gysistei cha me sörfe..., viu Vergnüege!

​